مقارنة بين شيفروليه لانوس و هيونداي فيرنا ٢٠٢٢

مقارنة بين اشهر سيارتين في مصر

أشهر سيارتين فى مصر والأكثر إستخداما هما اللانوس والفيرنا النهاردة هاعمل لكم مقارنة بين العربيتين علشان تعرف تختار بينهم
اولا اللانوس
هى عربية جنرال موتورز قلبا وقالبا،فشركة دايو من أول بدايتها فى تصنيع السيارات، وحتى قبل ان تشتريها جنرال موتورز وهى تعتمد تماما على تصميمات جنرال موتورز(أوبل تحديدا)، والسيارة اللانوس ما هى الا السيارة اوبل استرا موديل 1995 من ناحية الموتور وقاعدة العجلات(الشاسية يعنى) والات الجر ونظام التعليق (العفشة)،وكل شئ، فقط تختلف فى الشكل الخارجى والصالون الذى اعيد رسمه ليناسب موضات اواخر التسعينات

السيارة الفيرنا

وانت اية رايك الفيرنا و لا اللانوس او بمعني اصح
هناء ولا شرين ؟؟؟

السيارة اللانوس

العربية اللانوس بتستخدم محرك محرك E-tech الي صمم عن طريق شركة جنرال موتورز ويستخدم هذا المحرك مع السيارة اوبل استرا وفيكترا موديلات 95 والتى تعمل فى اوروبا باسم اوبل وفى انجلترا باسم فوكسهول وفى امريكا الجنوبية تحت اسم شيفورليه وفى استراليا

تحت اسم هولدن التحديث بتاع اللانوس الاخير هو الشيفورلية ال افيو وموتور السيارة اللانوس موتور ممتاز جدا فا هو محرك
احادى الكامة ذو 8 صبابات يعطى قدرة قصوى فى حدود 85 حصان عند 5500 RPM، نظام تغذية الوقود عن طريق الحقن الإلكترونى

بالنسبة للفيرنا

الموتور الي فيها هو موتور الاكسنت ال ١٩٩٨ الي يعتبر نفس موتور السيارة الانسر الكريستالة مع بعض التعديلات و مبنى ايضا بنظام الكامة الواحدة العلوية و 12 صباب
واكن تم ادخال بعض التعديلات علي المحرك خلت الإتصال بين الكامة العلوية والصبابات عن طريق منظومة من الروافع(التاكيهات)

واهم حاجة في التعديلات دي انها خلت في سهولة في ضيط خلوصات الصبابات (ضبط التاكيهات) عند اى ميكانيكى بدون الحاجة للذهاب لمختص الصبابات، فينما لا يستطيع الميكانكى العادى ضبط تاكيهات اللانوس او الشاهين او حتى ال128 لان ضبطها يتم عن طريق تغيير اطباق الكامة وهو امر يحتاج مختص، فإن تاكيهات اللانسر والأكسنت و الفيرنا يستطيع الميكانيكى الجيد ضيطها، وموتور الفيرنا بيطلع قوة قدرها ٩٢ حصان

بالنسبة للاداء السيارة اللانوس

في البداية تحس انها ثقيلة في الحركة ولكن بعد فترة قليلة من الضغط علي دواسة البنزين يبدا الموتور في الانطلاق وتحس انها بقت عربية تانية ثبات السيارة على الطريق معقول وان كان يسوء الى حد ما فوق ال120، بس فية ناس كثير علشان يتغلبوا علي الموضوع

دة بيركبوا جنوط اسبور عريضة نوعا فرامل السيارة الانوس مش قد كدة فا خلي بالك وانت راكبها وطبعا السيارة اللانوس غير مجهزة باي وسائل امان

بالنسبة للاداء السيارة الفيرنا

الفيرنا عكس اللانوس فا السيارة من البداية وتحس انها عايزة تطير من علي وش الارض ولكن الانوس مع ان طلعتها ابطي من الفيرنا فا علي الطرق الطويلة يتعادلوا الاثنين في السرعة و بالنسبة لمنظومة فرامل الفيرنا فهي افضل من فرامل السيارة اللانوس
ولكن الفيرنا في الثبات علي السرعة مش زي اللانوس فا الانوس افضل منها نسبيا

الضوضاء و العزل

بالنسبة للسيارة اللانوس فا محركها اهداء من محرك الفيرنا وتحس ان صوت محرك اللانوس انعم من صوت محرك الفيرنا
اما بالنسبة لالات الجر فتجد ان الفيرنا صوت الات الجر بها افضل بكثير من اللانوس ودة راي ناس كثير ركبوا الانوس

بيقولوا انهم بيبقوا سمعين صوت الات الجر وهما بداخل السيارة
ولو هنتكلم علي عزل الصوت فا السيارة الفيرنا بتوفر عزل للصوت بشكل افضل من اللانوس

بالنسبة للتعامل مع مقود السيارة فا السياراتان بهما باورستيرنج يساعد علي الراحة في القيادة
اما بالنسبة للاتساغ الداخلي
فا صالون اللانوس اوسع من الفيرنا ولكن نجد ان شنطة الفيرنا اكبر من شنطة اللانوس

بالنسبة لمتانة السيارة

الفيرنا صاجها اتقل من الفيرنا بشكل واضح دة غير ان انظمة التعليق الخلفية الي بتيجي مع الفيرنا بتكون ملتي لينك ودة مش بيكون موجود غير في السيارات الغالية لانة بيوفر راحة كبيرة و اتزان افضل

الخلاصة

انا شايف ان العربية الفيرنا تكسب في المقارنة
وهي الاختيار الامثل و اكبر دليل علي نجاح الفيرنا هو انتشارها وسط سائقي التاكس الي بيختاروا السيارة التي تستطيع تحمل الشقا
فا نادرا ما تشاهد سيارة لانوس تاكسي بنفس القدر الي بتشوف فية الفيرنا

وانت اية رايك الفيرنا و لا اللانوس او بمعني اصح
هناء ولا شرين ؟؟؟