لتجنب عمليات النصب .. اعرف خطوات شراء سيارة مستعملة

كثير منا معندوش خبرة في شراء السيارات وفي للاسف ناس كثير بيتنصب عليها اما في الفلوس او الحالة الفنية للسيارة او في اوراق العربية او انها تكون مسروقة مثلا

ودي اسواء حاجة ممكن تحصلك لانك مش بس خسرت فلوسك دا انت ممكن تتحبس علي اساس انك انت اللي سارق وأثبت بقي العكس

النهاردة هعرفك ازاى تشتري عربية بأمان وبأحسن سعر

اولا سعر السيارة مناسب ام لا

كل عربية بنشتريها بيبقي ليها كذا سعر علي سبيل المثال لو دخلنا علي مواقع النت المختلفة عشان نشوف اسعار العربيات هتلاقي ان نفس الموديل بتاع العربية مرة بمليون ومرة بمليون و100 ألف مرة اقل او اكتر علي حسب القصة ان كل واحد بيبيع عربيته من وجهه نظره

عمرك ما هتلاقي سعر ثابت لنفس الموديل القصة هنا فصال ودي اهم نقطة في شراء المستعمل

اهم حاجة انك تشتري العربية في الفئة السعرية المناسبة ليها بالنسبة للسنة والعداد

يعني علي سبيل المثال هتلاقي موديل عربية ما في 2020 علي كل مواقع النت اللي منهم موقعنا ملك كارز بتتراوح اسعارها بين 2 مليون و 2 مليون و 100 ألف فا لو لقيت العربية في الرينج ده اعرف انك بتشتري صح يتبقي بالنسبالك موضوع الفصال لكن متبقاش العربية اعلي سعر ليها 2مليون و 100 الف وتدفع فيها 2 مليون ونص كده بيتضحك عليك

الشراء من شخص

لازم تبقي عارف تفاصيل عن الشخص اكنك هتناسبه

الشراء من معرض

لازم المعرض يكون سمعته كويسة ومعرض معروف والكلام ده مبدئيا بيكون باين من العربيات المعروضة في معارض عارضة عربيات كسر زيرو وكلها حالتها سوبر وفي معارض عارضة اي حاجة

ابعد عن المعرض اللي عارض أي حاجة

فحص السيارة الخارجي

العربية فابريكة ولا مرشوشة؟ لو فبريكة يبقى كدا تمام سهلت على نفسك الكثير وطبعا فية اجهزة متخصصة تقدر تقول لك هي فابريكة ولا لا حتي لو عليها بروتكشن او فيلم حماية

لو رشة يبقي المهمة اصعب هيبان اثناء الفحص حجم الضرر الي كان في العربية ودرجة اجادة تصليحة سعات بتكون خبطة صغيرة او حكة وساعات بتوصل لتغير ربع او نصف في السيارة

هتقولي افحص فين وازاي هاقول لك مبدئيا تروح لحد متخصص في فحص السيارات مشهور عنه الخبرة و السمعة الطيبة

انا مثلا بروح للشركة الوطنية بعد ما تفحص العربية عندهم وتاخد تقرير انها سليمة ساعتها تطلع علي التوكيل لية ؟

لان فحص الشركة الوطنية رخيص وبعرف منه وضع البوية و الشاسية ودول مهمين جدا لو فيها مشاكل مش هكمل شراء

اختبار الفتيس

لازم تسوق العربية وتشوف نقلتها بتنقل من اول نقلة لغاية اخر نقلة بسلاسة ولا بتقف عند نقلة معينة هل النقلات سلسة ولا في تنتيش؟ هل الكيك داون بيعمل بكفاءة ولا لا؟

الفحص الداخلي

لو تمام بروح التوكيل وادفع الفاتورة الكبيرة علشان اتاكد من العداد واشوف تاريخ الصيانات و ايه اللي اتغير فيها

لو التوكيل قال لك تمام يبقي مبروك اشتري

فحص أوراق السيارة

مهم أن الرخصة تكون باسم صاحب العربية من واقع البطاقة او يكون معاه توكيل بالبيع ساري تاريخه حديث

والمفروض ان العربية بتعمل ٢٠ الف كل سنة تقريبا يعني عربية استعمال ٣ سنوات تعمل عداد في حدود ٦٠ الف كيلو +- ٢٠ الف

عداد السيارة

اللعب في العداد مستحيل يتكشف الحل الوحيد ان العربية تكون عاملة الصيانات في التوكيل بشكل منتظم يعني مثلا لو العربية موديل ٢٠٢٣ واحنا في اول ٢٠٢٤

هتلاقى معاه ١٢ صيانة غالبا لان الصيانة كل ١٠ الاف كيلو او حسب ما توكيل العربية يقول اكثر او اقل كل توكيل لة سياسة في الصيانة

لو الصيانات موجودة يبقى العداد مظبوط عدا ذلك مضمنش فية لعب في العداد بيتعمل مستحيل التوكيل يكشفة زي ما قلت لك الحل هو انة يبقي فية صيانات منتظمة

كيفية التعامل المالي